HOSPITALI YA RUFAA YA SEKOU TOURE MKOANI MWANZA YAPATA CHETI CHA NYOTA MBILI

AFYA   SEKOU TOURE

Na Wilson Elisha

Mwanza

23.12.2014

  

Hospitali ya Rufaa ya Sekou Toure Mkoa wa Mwanza itaendela kujikita na mipango ya kuboresha  huduma za Afya ili kuhakikisha utekelezaji wa matokeo makubwa  sasa BRN unafikiwa na wagonjwa wanapata huduma bora.

Hii inatokana na Hospitali hiyo kukabidhiwa cheti cha Nyota mbili cha ubora ngazi ya kimataifa cha huduma za maabara kinachotambuliwa na Shirika la Afya duniani WHO.

 Mkuu wa wilaya ya Nyamagana  mkoani Mwanza Baraka Konisaga ametoa kauli hiyo kwa niaba ya Mkuu wa Mkoa wa Mwanza Magesa Mlongo  katika hafla  ya kukabidhi cheti cha Nyota mbili cha ubora ngazi ya kimataifa cha huduma ya maabara.

 Amesema kutokana na umuhimu wa sekta ya Afya nchini Serikali itaendeleoa kushirikiana na wadau katika utoaji wa huduma za maabara zinakidhi kiwango kinachostahili.

 Kaimu mganga Mkuu wa Mkoa wa Mwanza Dokta James Kengia awww.facebook.commesema wataendelea na  jitihada za utoaji wa huduma bora za Afya kwa kuzingatia maadili.

Licha ya kupata cheti cha nyota mbili Mganga mfawidhi wa hospitali ya Sekou Toure  Dokta Onesmo Rwekyendera amesema kuwa zipo changamoto zinazoikabili hospitali hiyowakati wa utoaji huduma na mjumbe wa bodi Joseph Kahungwa  amesema watumishi wanaendelea  kutoa huduma za afya  zenye tija ambapo wameweza kupunguza malalamiko kutoka kwa wagonjwa kutokana na kuwakemea

Hata hivyo uongozi wa Afya Mkoa wa Mwanza kwa kushirikiana na kamati ya uendeshaji wa huduma za Afya hospitali na Tume ya Kikristo za jamii wameweza kushirikiana katika kupanga mipango ya kuwezesha kupata Nyota za ubora unaotambiliwa kimataifa ambapo mchakato huo ulianza tangu mwaka 2012..

 Katibu Tawala wa Mkao wa Mwanza Dokta Faisal Issa akitoa maelezo mafupi kabla ya kumkaribisha Mkuu wa wilaya ya Nyamaganba Baraka Konisaga wakati wa hafla ya kukabisdhi cheti cha Nyota mbili kwa hospitali ya Rifaa ya Sekou Toure 

 Juu ni Mkuu wa wilaya ya Nyamagana Baraka Konisaga akisisitiza jambo kwa wataalamu wa Afya  kuhusu huduma za Afya zinazotolewa katika hospitali ya Sekou Toure na maeneo mengine Mkoani Mwanza





Picha za chini ni sehemu ya watumishi wa hospitali ya SekouToure na baadhi ya wageni waalikwa wakati wa hafla ya kukabidhi cheti cha Nyota mbili cha ubora ngazi ya kimataifa cha huduma ya maabara

Mkuu wa wilaya ya Nyamagana Mkoani Mwanza Baraka Konisaga akisoma hotuba kwa niaba ya Mkuu wa Mkao wa Mwanza Magesa Mlongo kabla ya kukabidhi cheti cha ubora katika hafla ambayo imefanyika katika ukumbi wa Kipepeo wa Hoteli ya Mwanza.

Wapili kutoka kushoto ni Mkuu wa wilaya ya Nyamagana Baraka Konisaga akimkabidhi  Mwenyekiti wa bodi ya hospitali ya Rufaa ya Sekou Toure Christopher Mwita Gachuma cheti cha ubora ha huduma ya maabara kinachotambulika kimatifa na Shirika la Afya Duniani WHO